RECOGIDA PARA EL BANCO DE ALIMENTOS

El pasado fin de semana , en concreto el día 28 de noviembre y el 29 sábado, alrededor de 26 alumnos de 1º de bachillerato del IES. Rafael Dieste y 12 alumnos del grupo de voluntariado del IES. Salvador de Madariaga, participaron en la GRAN RECOGIDA, organizada por el Banco de Alinmentos de A Coruña, en las diferentes superficies comerciles de la zona. La GRAN RECOGIDA, fue una  experiencia muy positiva , en la evaluación de la actividad  por parte de los alumnos. Algunos de ellos ya participaron el año pasado en la misma. Gracias al Banco de Alimentos, por su trabajo y acogida.

CELEBRACIÓN DO DÍA DOS DEREITOS DA INFANCIA

     A construción dun mundo marabilloso é unha das utopías máis soñadas pola humanidade, unha idea moi difícil de alcanzar. Nembargantes, o grande logro é ir da man nesa procura, unha viaxe onde os rapaces e rapazas do CPI Virxe da Cela (Monfero) e CPI Conde de Fenosa (Ares) uniron os seus esforzos e deron corpo as voces silenciadas de milleiros de nenos e nenas en todo o planeta que, aínda no ano 2014, non teñen acceso aos dereitos máis básicos do ser humano. 

      O venres 21 de novembro, o día posterior á celebración oficial do Día dos Dereitos da Infancia, todo o alumnado do CPI Virxe da Cela foi convocado no espazo de usos múltiples do centro, e dividíndose en dúas quendas, coñeceron unha fermosa historia protagonizada por Liberdade, una rapaza que decide saír a facer unha longa viaxe para cambiarlle a cara ao planeta tan triste onde vive, e que, soamente mediante a unión de todos os compañeiros/as que vai atopando polo seu camiño, logra o compromiso de todos os países para defender os dereitos da infancia. É, nin mais nin menos, a metáfora da aprobación da Declaración dos Dereitos da Infancia de maneira unánime polos 78 estados membros da ONU, o 20 de Novembro de 1959. 

       Queremos dar as grazas en especial á profesora de relixión Yolanda Castro, responsable desta actividade, e ao alumnado de 2º da ESO, encargado de narrar a historia “Na Procura dun Mundo Marabilloso”. Repartidos en parellas e en grupos, explicáronlles aos máis pequenos/as o por que da celebración desta data tan importante, narraron o longo camiño recorrido por Liberdade, repartiron un pequeno agasallo a todos os asistentes (a silueta dunha man que contén un dereito fundamental), dinamizaron a actividade cun simpático xogo de pasapalabras e puxeron un artístico e divertido punto final e despedida mediante un baile colectivo. Non nos queda máis que recordar a todos que estas datas sinaladas son para celebrar os 365 días do ano!!!

                

           

                         

                              Xogo pasapapalabra conto dereitos from Yolanda Castro López

Crónica celebración día dos dereitos dos nenos from satelite1

XVI ENCONTRO DA REDE SOLIDARIA DE ENTRECULTURAS

       Un ano máis iniciamos o curso cun encontro en Rede, para poder compartir unha xornada lúdica e pedagóxica con outros mozos e mozas da Rede Solidaria da Mocidade Entrecuturas. Nesta ocasión un total de 22 alumnos/as (a representación masculina recaeu en dúas novas incorporacións: Zito (1º ESO) e Álex (3º ESO) e dúas profesoras dedicamos un soleado sábado (25 outubro 2014) para viaxar cara a Santiago e dirixímonos ao Instituto Arcebispo Xelmirez I, centro anfitrión deste encontro. 

         A xornada comezou cunha cálida acollida, non só polo sol que brillaba no ceo neste anodino día outonal, senón por parte dos alumnos/as e profesores/as do Xelmirez, que prepararon este evento con moito cariño e ilusión. Tras unha breve presentación do planning do día, todos os rapaces e rapazas realizaron diferentes dinámicas centradas na temática dos dereitos humanos, mentres que os docentes realizabamos a nosa formación, adquirindo novas ferramentas didácticas para abordar a educación emocional. 

        E despois de tanto traballar… devoramos ao aire libre o xantar que nos estaba esperando, pizza e macarroni, mamma mía!! E de postre… a elaboración das axendas solidarias. O multitudinario grupo do CPI Virxe da Cela (coidadosamente uniformados coas súas xa características camisetas amarelas) reuniuse nunha escaleira para decidir as posibles actividades a realizar durante este curso académico 2014-2015: as que xa son case que “oficiais” (rastro solidario, operación quilo, recollida de tapóns, etc), e tamén novas ideas como visitar un asilo de anciáns, realizar unha “chiculatada solidaria”, gravar un videoclip, etc. E antes de que cada centro expuxese a súa axenda, dúas alumnas do Xelmirez impartiron unha interesantísima charla sobre a súas vivencias en Nicaragua. Como broche final os/as profes asistentes ao encontro subiron ao escenario a facer unha pequena actuación-homenaxe á Rede Solidaria, que en Galicia cumpriu nin máis nin menos que 10 anos de existencia!! 

       A despedida foi espectacular, a ritmo de capoeira. Todos os rapaces e rapazas asistiron a unha demostración desta curiosa danza afro-brasileira realizada no patio, e non soamente ollaron coa boca aberta as acrobacias dos bailaríns, senón que tiveron a oportunidade de recibir unha pequena clase de achegamento a esta disciplina, tanto na práctica instrumental como no movemento. Está claro que con este tipo de encontros a Rede Solidaria da Mocidade Entreculturas ten garantidos polo menos outros dez anos máis de andainas!!!

VIDEO RESUMO DO ENCONTRO

                                         
                                   

Crónica xvi encontro entreculturas from satelite1

10 ANOS DA REDE SOLIDARIA DA MOCIDADE ENTRECULTURAS EN GALICIA

CHARLA DE RAMADEVI RAPTHADU NO VIRXE DA CELA

         Ramadevi Rapthapu deixou ao seu paso polo CPI Virxe da Cela (martes 14 de outubro de 2014) un halo de exotismo, sinxeleza e calidez. Ataviada cun fermosísimo sari de cor azul turquesa e fucsia, elegantemente peiteada coa súa melena brillante nunha extensa trenza e levando outros accesorios típicos das mulleres casadas da India (un bindi colorado na súa fronte, un colar de contas verdes e vermellas e aneis nos dedos dos pes), Ramadevi chegou ao noso centro repartindo sorrisos e abrazos a todo o mundo. Recibiu aos rapaces e rapazas que entraban la aula onde se impartiron as charlas cun sereno “namasté”, xesto de benvida, á par que marcaba as súas frontes cun minúsculo puntiño de pigmento vermello.   Presentouse ao seu público cun case que perfecto castelán, e durante tres charlas dunha duración aproximada de 50 minutos cada unha, falou non soamente da labor que a Fundación Vicente Ferrer está a levar a cabo en Anantapur (a India), senón da vida e do papel que as mulleres lles toca vivir neste país no que aínda no século XXI predomina unha cultura patriarcal. Para poder entender as enormes desigualdades que se observan na India, Ramadevi explicou o sistema de castas que aínda impera no seu país e que condena aos dalits e outras castas inferiores a vivir na pobreza e na miseria desde e mesmo momento do seu nacemento. 

         A visita de Ramadevi (ao igual que as de Lancy Dodem e Sasi Cuti en anos anteriores) complementa o traballo de achegamento á cultura india e ao traballo da Fundación Vicente Ferrer que se leva a cabo no noso centro desde o ano 2009 a través do proxecto School to School. Consideramos que entender o mundo máis aló da nosa contorna é fundamental para respectar a diversidade cultural e entendela como un elemento que nos enriquece aos seres humanos, e non como unha ameaza e unha semente para o conflito.

QUE BOA NOVA!!!, MALALA E SATYARTHI, PREMIO NOBEL DA PAZ 2014

A paquistaní Malala Yousafzai, a moza á que os talibáns dispararon á cabeza en 2012 por defender a escolarización das mulleres, e o activista indio Kailash Satyarthi foron galardoados este venres co Nobel da Paz 2014 "pola súa loita contra a opresión dos nen@s e os moz@s e polo dereito de todos os nen@s á educación".

 "Os nenos deben ir á escola e non ser explotado financeiramente", defendeu o Comité Nobel, subliñando que "nos países pobres, o 60% da poboación actual ten menos de 25 anos". Segundo explicou ao realizar o anuncio o presidente do Comité Nobel Noruego, Thorbjon Jagland, considerouse "un punto importante que un hindú e unha musulmá, un indio e unha paquistaní, se unan na loita común pola educación e contra o extremismo.

No caso de Satyarthi, resaltou que "mostrando gran valor persoal" e seguindo a tradición de Gandhi, "liderou varias formas de protesta e manifestación, todas pacíficas, centrándose na grave explotación dos nenos para obter beneficios financeiros". Así mesmo, "contribuíu" ao desenvolvemento de importantes convencións internacionais" "sobre os dereitos dos nenos". Kailash Satyarthi, enxeñeiro informático indio que hai 28 anos abandonou o ordenador para denunciar ás multinacionais que no seu país explotan nenos de entre 5 e 12 anos de idade, encabeza a organización Global March, que liberou da escravitude empresarial a uns 80.000 nenos en máis de 160 países.

En canto a Malala, "malia a súa xuventude", leva anos loitando polo dereito das nenas á educación e mostrou co seu exemplo que os nen@s e os moz@s tamén poden contribuír a mellorar as súas propias situacións. Ademais, fíxoo baixo as mais perigosas circunstancias. Mediante a súa loita heroica converteuse nunha destacada voceira dos dereitos das nenas á educación.

NORABOA A ÁMBOLOS DOUS!!!

EDUCAR PARA A CIDADANÍA GLOBAL

Entre os días 19 e 21 de outubro de 2012 celebráronse no Campus Vida da Universidade de Santigo de Compostela as I Xornadas de Educación para o Desenvolvemento. Baixo o título "Educar para a cidadanía global: experiencias, ferramentas e discursos para o cambio social", a Coordinadora Galega de ONGD (CGONGD), a través da súa Comisión de Educación para o Desenvolvemento, quixo convocar por vez primeira en Galicia a un conxunto senlleiro de expertos e expertas en educación para o desenvolvemento e a cidadanía globla para xerar un espazo de debate e reflexión sobre os actuais desafíos para a promoción dunha cidadanía global comprometida coa solidariedade e o cambio social desde o local. 

Desde o CPI Virxe da Cela queremos dar os nosos máis sinceiros parabéns a José Luís Pastoriza Rozas, autor da publicación que documenta estas xornadas, polo seu grande esforzo e dedicación para que este libro saia á luz. 

Penduramos a publicación en formato PDF, na que poderedes atopar o texto "Educar para a solidariedade no CPI Virxe da Cela: a experiencia de Monferosolidario" (páxinas 19-29).

 

Educar para a cidadanía global fundacion islacouto_2014 from satelite1

1ª ASAMBLEA DE PROFES DA REDES SOLIDARIA DO CURSO 2014-2015

Comeza un novo curso e con el, comezan tamén as actividades da Rede Solidaria. E para ir quentado motores, como diría a nosa queridísima Sandra, acudimos este venres 19 de setembro á primeira xuntanza de profesores convocada por Entreculturas e realizada en Santiago.  Non puidemos estar todos os profes pero fomos unha boa representación da Rede, como podedes ver nesta foto de familia.

Na reunión  Sandra fixo un resumo das conclusións sacadas das avaliacións realizadas polos grupos asistentes á actividade zonal de fin de curso da Rede Solidaria da Mocidade e entregounos e comentou o material e as campañas educativas pera este novo curso 2014-2015, así como a presentación da AXENDA de actividades da Rede Solidaria cuxa temática será  “Educación e dereitos económicos, sociais e culturais”.

Subliñar  como principais novidades para este curso as seguintes:

·         A celebración dos 10 anos da Rede Solidaria da Mocidade en Galicia. Esta efeméride terá especial protagonismo durante a celebración da Asemblea de comezo de curso, así como ao final do curso escolar.

·         Apoio aos grupos da Rede Solidaria en 2 aspectos principais: por unha banda no primeiro trimestre do ano faranse visitas aos grupos, durante as que se realizarán diagnósticos que axuden no acompañamento e planificación das accións e, por outra banda, se dará  visibilidade e recoñecemento ao traballo dos grupos da Rede Solidaria ante os equipos directivos dos centros e a Consellería de Educación.

Todo isto o podedes ler mais detidamente nos documentos adxuntos que tedes mais abaixo e que podedes tamén descargar desde este blog.

Por último dicir que as novas tecnoloxías mandan e que xa temos grupo de  Whatsapp do profesorado da Rede Solidaria en Galicia coa finalidade de estar en contacto e informar sobre cuestións que nos afecten a todos e todas. Se algunha persoa non ten sido convocada aínda ao grupo e desexa estar, só tedes que comunicarllo a Sandra.

                        Benvidos/ás ao novo curso da Rede Solidaria!!!

                         

                               Axenda rsm 14_15 from Yolanda Castro López


                        

                                  Resumen xuntanza from Yolanda Castro López

DOCUMENTAL DO CPI VIRXE DA CELA PRODUCIDO POR AYUDA EN ACCIÓN

Baixo o título "En el ámbito rural el colegio es el lugar donde se pueden encontrar con iguales" estase a lanzar este documental de catro minutos de duración producido por Ayuda en Acción e realizado por Gabriel Pecot e Celia Hernández. A través deste video reflíctese o proxecto de colaboración iniciado o pasado curso escolar entre a Fundación Ayuda en Acción, o CPI Virxe da Cela e a ANPA deste centro. Unha docente, unha alumna e unha nai da ANPA poñen a súa voz e testenuña para describir a situación actual deste centro escolar ubicado no rural galego que acolle alumnado dos concellos de Monfero e Irixoa. Toda a comunidade educativa está implicada neste proxecto de educación en valores que trata de dinamizar o noso centro, principal punto de "socialización" do noso alumnado.

Crónica documental do cpi virxe da cela from satelite1

CONCIERTO HOGAR STA LUCIA- IES SALVADOR DE MADARIAGA

  Los alumnos de 2º de la Eso del grupo del IES. Salvador de Madariaga, organizaron un concierto en el Hogar de mujeres Sta Lucía de A Coruña, esta experiencia es ya habitual por parte de los alumnos del instituto y se realiza todos los años . Los artistas  cantaron e interpretaron distintas piezas musicales.Ahí está el reportaje fotográfico.

XOGO DA OCA (SAME 2014)

    Existen moitos xeitos de aprender, unha delas é xogando, e mellor en equipo que en solitario. Iso o saben moi ben os rapaces e rapazas de 5º e 6º de primaria do CPI Virxe da Cela, que o pasado luns 28 de abril foron experimentando probas e retos nas diferentes “estacións” dun peculiar Xogo da Oca, elaborado especialmente para conmemorar a SAME 2014 (Semana de Acción Mundial pola Educación). Contamos coa axuda de Entreculturas e Ayuda en Acción, dúas ONGs coas que temos unha traxectoria en común e moitas actividades conxuntas. Agradounos ver a Sandra Couso (técnico de Entreculturas), e entre os voluntarios/as participantes tivemos a grata visita de Luz Mery, exalumna do noso centro e vinculada dende entón á Rede Solidaria da Mocidade, agora na “categoría” de +18. Abel animou o xogo coas súas ben coñecidas dotes de presentador, e contou coa axuda de dúas fantásticas “azafatas”… lebrades os seus peculiares nomes?? Unha pista… teñen un lonxano resabio do mundo grego. 

    O mais importante de todos é que deixamos a un lado o tema da “competición” e centrámonos en lograr o éxito de cada unha das probas traballando en equipo, e sacamos a valiosa conclusión de que todos somos diferentes, e por tanto temos diferentes capacidades, e que en vez de restar, cando estamos traballando man a man cos nosos compañeiros/as, de todas esas diferenzas nace a riqueza e a diversidade no seu sentido máis positivo.

Crónica xogo da oca from satelite1

ENTREGA Á COCIÑA ECONÓMICA FERROL NO CPI VIRXE DA CELA

Como podedes ver na imaxe, un grupiño de alumnos/as da ESO e a profe Teresa Losada, sempre tan dinámica á hora de mobilizar ao persoaal e toda unha experta en organizar e remover mobiliario, posan para esta fotografía rodeados dunha morea de caixas repletas de alimentos. É o resultado da campaña Operación Quilo 2014 realizada o pasado venres 11 de abril de 2014 en estreita colaboración co VI Rastro Solidario, realizándose nesta ocasión a compra dos obxectos do rastro a través dun auténtico “troco” con alimentos non perecedeiros. Este ano a falta de tempo impídenos organizar unha visita co alumnado á Cociña Económica de Ferro, tal como se fixo en anos anteriores. Aínda así, as coordinadoras de Monferosolidario ofrecímonos voluntariamente o pasado luns 28 de abril a cargar ata os topes os nosos vehículos particulares e levalos persoalmente ás instalacións da Cociña Económica de Ferrol, situadas na Rúa Rubalcava. Aproveitamos esta viaxe á capital ferrolá para reunirnos con Sandra Couso (técnico de Entreculturas) e con Ana Martín (profesora do colexio Jesús Maestro de Ferrol) para ir planificando o “Encontro de Fin de Curso da Rede Solidaria da Mocidade Entreculturas”, que nesta ocasión terá como escenario o Castelo de San Felipe e consistirá nunha peculiar “festa pirata”. Rematamos esta peculiar xornada de luns saboreando un exquisito chocolate con churros … para chuparse os dedos!!

EMISIÓN RADIOFÓNICA VI RASTRO SOLIDARIO E OPERACIÓN QUILO 2014

A celebración do VI Rastro Solidario e Operación Quilo 2014 supón un día moi especial para o CPI Virxe da Cela. O venres 11 de abril de 2014 o noso centro realizou unha xornada de portas abertas, e ademais dos nenos e nenas, profesores e profesoras, os corredores recibiron a visita de familias, que se achegaron á nosa escola para participar activamente nesta actividade. Coincidindo coa realización do obradoiro de radio “Laboratorio Radiofónico”, que se vén desenvolvendo todos os venres no noso centro desde o pasado mes de febreiro e dirixido ao alumnado de 5º e 6º de primaria e 4º da ESO, tivemos a idea de realizar unha gravación especial dedicada á VI Edición do Rastro Solidario e Operación Quilo 2014.

     Os rapaces e rapazas de 5º e 6º de primaria entrevistaron a Belén e Yoli, dúas das nais que viviron de cerca esta experiencia: dedicaron parte do seu tempo axudando aos máis pequenos a elixir os obxectos e realizar o troco de alimentos, axenciáronse a cámara de fotos para documentar a actividade, e incluso unha delas aportou gran cantidade de bisutería realizada artesanalmente utilizando as cápsulas de nespresso e que tivo grande éxito de vendas… Aproveitando a visita de Mª José e Bea, da Fundación Ayuda en Acción, fixémoslles tamén unha entrevista para ver o seu punto de vista. Ambas agasallaron ao noso centro cun montón de críticas positivas, e sabemos que o convenio de colaboración coa Fundación Ayuda en Acción que firmamos o pasado mes de decembro de 2013 vai dar moitos froitos. Tamén entrevistamos a Verónica, unha das profes coordinadoras de Monferosolidario, que resaltou a importancia desta actividade para sensibilizar a toda a comunidade educativa, e contamos tamén cos comentarios de varios alumnos e alumnas, que amosan grande entusiasmo e satisfacción ao sentirse partícipes dunha acción que vai axudar ás persoas máis necesitadas.

ÉXITO DO VI RASTRO SOLIDARIO E OPERACIÓN QUILO 2014 NO CPI VIRXE DA CELA

rastro 2014 - Movie Maker

Crónica vi rastro solidario e operación quilo 2014 from satelite1

ODM 1. MINIDOCUMENTAL REALIZADO NO CPI VIRXE DA CELA

Este é o segundo dos minidocumentais que os alumnos e alumnas da ESO están a realizar sobre os Obxectivos de Desenvolvemento do Milenio. Un  traballo que supón unha longa planificación: busca de información, planificación do guión, creación dos debuxos e avatares, gravación das voces, montaxe do vídeo. Aquí vos deixamos o produto final. Seguide atentos porque en breve colgaremos o terceiro dos nosos documentais.

                              

LANCY DODEM VISITA DE NOVO O CPI VIRXE DA CELA

http://www.diariodeferrol.com/articulo/comarcas/monfero-fundacion-vicente-ferrer-visita-alumnos-virxe-da-cela/20140405030018080788.html

 “A viaxe ao norte” non só é o título do libro que acaba de presentar Lancy Dodem, o primeiro neno apadriñado pola Fundación Vicente Ferrer, senón tamén unha metáfora do choque de culturas, a oriental e a occidental, que tivo a oportunidade de experimentar cando deixou a súa India natal para asentarse en España. É un libro de memorias, habitado por todas as persoas que o rodearon na súa infancia e adolescencia: os seus amigos, pais, irmáns, incluso o propio Vicente Ferrer, que tanto peso tivo na súa vida. Está repleto de experiencias, de anécdotas, de sabiduría… e a través da súa lectura poderemos coñecer o noso país a través da mirada do “outro”, daquel que chegou de lonxe e descubriu con sorpresa todo o que para nós xa pasa desapercibido… 

   Lancy presentou o seu libro na librería Arenas da Coruña, e aproveitou a súa “viaxe ao noroeste peninsular” para visitar o CPI Virxe da Cela, acompañado por Yolanda Ferrer, a “embaixadora” da FVF na Coruña. Un ano máis comeron connosco no comedor escolar, saboreando os pratos elaborados polas nosas cociñeiras e mantendo unha animada conversa cos comensais, como se de familia se tratase. Xa en sesión de tarde, Lancy impartiu dúas charlas ao alumnado de EI e de EP, amenizadas pola espontaneidade dos máis pequenos/as do noso cole, que fixeron simpáticas preguntas e intervencións. A clausura do acto realizouse coa foto oficial da firma do libro “Mi viaje al Norte” en presenza da directora do centro e un forte aplauso que convidaba a Lancy a regresar o próximo ano de novo ao noso centro. Os/as que teñan curiosidade por facer unha “viaxe ao norte”, lembrade que tedes o libro á vosa disposición na biblioteca escolar.

CAMPAÑA DE SENSIBILIZACIÓN VI RASTRO SOLIDARIO E OPERACIÓN QUILO 2014 NO CPI VIRXE DA CELA

Un ano máis, e con este xa van seis, o CPI Virxe da Cela organiza o VI Rastro Solidario. Nesta ocasión contamos coa colaboración da AMPA da nosa escola, que prestarán a súa axuda tanto para difundir a actividade, como para levala a cabo. Esperamos que todos xuntos logremos o noso obxectivo, concienciar á nosa comunidade educativa de que unha pequena acción pode cambiar o mundo. Nesta ocasión, en lugar de cartos faremos as compras a través do troco con alimentos non perecedeiros, e deste xeito axudaremos a todas esas familias que están nunha situación crítica, a través da Cociña Económica de Ferrol. O alumnado de 1º da ESO visitará todas as aulas da nosa escola para repartir entre os rapaces e rapazas as circulares que informarán ás familias desta actividade, e pedirán a súa colaboración. Para nós e sumamente importante este intercambio xeracional, e que a mocidade transmita aos máis pequenos a súa experiencia e os animen a formar parte desta gran familia: Monferosolidario.

RECOGIDA DE ALIMENTOS IES SALVADOR DE MADARIAGA

  La pasada Navidad, perdón por el retraso en la información, el grupo de voluntarios del instituto , hicieron entrega de los alimentos y material de aseo, recogidos durante la Campaña de Navidad en el centro. Todo lo recogido se entregó en el Refugio Padre Rubinos de A Coruña.

Exposición O MUNDO EN FEMININO- IES SALVADOR DE MADARIAGA

  Desde el día 18 de marzo y hasta el día 30, está montada en la entrada del instituto la Exposición de Manos Unidas O MUNDO EN FEMININO, con motivo derl día de las mujer trabajadora. Más de 20 paneles que nos concienzan de la situación de la mujer en diferentes países y dando una visión esperanzada de la situación mostrando diferentes proyectos de desarrollo, donde ellas son las protagonistas del mismo.

xposición de Manos Unidas O MUNDO EN FEMININO, con motivo derl día de las mujer trabajadora. Más de 20 paneles que nos concienzan de la situación de la mujer en diferentes países y dando una visión esperanzada de la situación mostrando diferentes proyectos de desarrollo, donde ellas son las protagonistas del mismo.